26 шілде күні Абу-Дабиде өтетін UFC on ABC 9 турнирінде ол өзбекстандық Рамазан Темировпен октагонда жолығады.
UFC-дегі кезекті жекпе-жекке санаулы апталар қалғанда, танымал MMA инсайдері әрі Tapology.com сайтының редакторы Марсель Дорфф Sports.kz порталына берген сұхбатында Асу Алмабаев пен Рамазан Темиров арасындағы кездесу туралы пікір білдірді. Оның айтуынша, бұл жекпе-жекте қазақстандық файтер басым түседі.
«Менің ойымша, бұл кездесудің фавориті – Алмабаев. Қазір ол жеңісті жолға қайта түсуі керек. Егер Темировты жеңсе, ол UFC-дің наилегчай салмағындағы ТОП-7 қатарына қайта оралуы әбден мүмкін», – дейді Дорфф.
Асу Алмабаев пен Рамазан Темиров арасындағы жекпе-жек 26 шілдеде Абу-Дабиде (БАӘ) өтетін UFC on ABC 9 турнирінде ұйымдастырылады.
Асу Алмабаев (31 жаста):
Жалпы рекорд – 21 жеңіс, 3 жеңіліс
UFC-дегі рекорд – 4 жеңіс, 1 жеңіліс
UFC-де алғаш рет басты кардта өнер көрсеткен алғашқы қазақ файтері. Соңғы кездесуінде Манел Капеге есе жіберді.
Рамазан Темиров (28 жаста, Өзбекстан):
Жалпы рекорд – 19 жеңіс, 3 жеңіліс
UFC-дегі рекорд – 2 жеңіс
Бұған дейін үш рет қазақстандықтармен кездескен: 2 жеңіс, 1 жеңіліс
Асу үшін бұл кездесу рейтингілік тұрғыдан да, жеке мотивация жағынан да шешуші болмақ. Ал Темиров – Қазақстан спортшыларына қарсы бірнеше рет күш сынасып үлгерген, тәжірибелі қарсылас. Осы жекпе-жек нәтижесі Асу Алмабаевтың UFC-дегі келесі бағытын анықтауы мүмкін.
