Таңдау Шон Брэди мен Белал Мұхаммад арасында.
Қазақстандық UFC файтері Шавкат Рахмонов (19–0) алдағы жекпе-жекте америкалық Шон Брэди немесе Белал Мұхаммадпен кездесуі мүмкін. Бұл болжамды UFC-дің бұрынғы чемпиондары Генри Сехудо мен Камару Усман YouTube-арнасында айтты.
Генри Сехудо мен Камару Усман жартылай орта салмақтағы келесі маңызды кездесулерді талқылап, болуы ықтимал жұптарды атады. Сехудоның айтуынша, Ислам Махачев пен Джек Делла Маддалена арасындағы кездесу 20 қазанда өтеді деп жоспарланып отыр.
Бұл жағдай басқа ТОП файтерлердің кіммен кездесетіні туралы сұрақты туындатты.
«Егер коммерциялық қызығушылық пен көрермен сұранысын ескерсек, мен мына жұптарды көріп тұрмын: Бакли — Иэн Гэрри, Шавкат Рахмонов — Шон Брэди, немесе Шавкат — Белал Мұхаммад. Соңғысы бұрын жоспарланған, бірақ жүзеге аспаған болатын».
Шавкат Рахмонов үшін келесі жекпе-жек екі нұсқаның біріне айналуы мүмкін:
Айта кету керек, Ислам Махачев жеңіл салмақтағы чемпиондық белбеуден бас тартып, жартылай орта салмаққа ауысуы бүкіл дивизиондағы тепе-теңдікке әсер етті. Енді әрбір жаңа жұп — UFC жанкүйерлерінің назарына ілігетін маңызды оқиға.
