Күтпеген жеңіліс пен сенімді жеңістер: Қазақстан үшін әлем кубогы қалай бастады?

Рингке алғашқы кімдер шықты?

Астанада өтіп жатқан беделді World Boxing Кубогінің алғашқы күнінде ел намысын бес боксшы қорғады:

Ерлер арасында: Абылайхан Жүсіпов (70 кг);

Әйелдер арасында: Назым Қызайбай (48 кг), Әнел Сақыш (54 кг), Виктория Графеева (60 кг), Наталья Богданова (70 кг).

Абылайхан Жүсіпов — ерте тоқтаған жекпе-жек

Қазақстандық жанкүйерлер үлкен үміт артқан Абылайхан Жүсіпов рингке Қырғызстан өкілі Алмаз Орозбековке қарсы шықты. Өкінішке қарай екінші раундта алған кесіктен кейін үшінші раундта дәрігердің шешімімен жекпе-жек тоқтатылды. Абылайхан жарысты ерте аяқтады.

Қыздар сенімді бастады

• Назым Қызайбай канадалық Приянка Дхиллонды айқын басымдықпен жеңді (5:0);
• Әнел Сақыш неміс боксшысы Татьяна Обермайерді үш рет нокдаунға жіберіп, бір ауыздан жеңіске жетті (5:0);
• Виктория Графеева жапониялық Аяка Тагутиден басым түсті (5:0);
• Наталья Богданова үндістандық Санамачи Чану Токчомды 4:1 есебімен жеңіп шықты.