Қазақстандық бокстың жарқын өкілі, талантымен және сымбатымен танымал Балауса Мұздыман Нью-Йоркте жүр.
Instagram парақшасында Балауса былай деп жазды:
«Нью-Йоркке қош келдіңіздер. Мен бұл қалаға бір мақсатпен келдім, және сол мақсат маған барлық есіктерді ашты. Арманыма сенімді қадаммен бара жатырмын!»
Бұл сөздерден оның спорттағы амбициясы мен сенімі айқын байқалады.
Балауса Муздиман өзінің әлеуметтік желіде әйгілі промоутер Эдди Хирнмен түскен фотосын да бөлісті. Эдди Хирн — қазір кәсіпқой бокстың беткеұстар есімдерімен жұмыс істейтін танымал тұлға. Оның қатарында Дмитрий Бивол, Сауль «Канело» Альварес және Энтони Джошуа сынды әлем чемпиондары бар.
Бұл кездесу қазақстандық спортшы үшін болашақта халықаралық аренада өнер көрсетуге жол ашуы мүмкін. Балаусаның командасы Нью-Йоркте кәсіпқой бокстың құрылымымен жақынырақ танысып, тәжірибе жинауда.
