19 шілде күні Лондонда өтетін Александр Усик пен Даниэль Дюбуа арасындағы матч-реванштың жүлде қоры 200 миллион доллардан асады.
19 шілде күні Лондон қаласында ауыр салмақ дәрежесі бойынша барлық белбеудің иесі, украиналық Александр Усик (23-0, 14КО) пен британдық Даниэль Дюбуа (22-2, 21КО) арасында көптен күткен реванш жекпе-жегі өтеді.
Бұл айқаста абсолют чемпион атағы үшін күрес жүрмек. Яғни WBA, WBO, IBF және IBO тұжырымдары бойынша барлық чемпиондық белбеулер бір боксшыға тиесілі болады. Усик үшін бұл — чемпиондық атағын қорғау, ал Дюбуа үшін — жеңіліс үшін кек алу мүмкіндігі.
UNN агенттігінің хабарлауынша, жекпе-жектің жалпы жүлде қоры 200 миллион АҚШ долларынан асады (шамамен 106 миллиард теңге).
Бұл сома қос боксшы үшін де мансаптарындағы ең ірі қаржылық табыс болуы мүмкін.
Усик пен Дюбуа арасындағы алғашқы кездесу 2023 жылдың тамызында өткен болатын. Сол кезде украиналық чемпион төрешілердің шешімімен жеңіске жетіп, титулдарын қорғап қалған.
