Этникалық қазақ UFC-де дебют жасайды (ВИДЕО)

Тайлақ 10 қарсыласын нокаутқа жіберген

24 жастағы Тайлақ “Супер Саян” лақап атымен танымал. Оның 11 жеңісінің барлығы да мерзімінен бұрын аяқталған, 10-ы – нокаут арқылы. Көпшіліктің болжамы бойынша ол осы турнирде қытайлық жартылай орта салмақтағы файтер Сонг Кенанның орнына ирландиялық Кифер Кросбиге қарсы тұрады. Ресми мәлімдеме жақын күндері жарияланады.

Тайлақ қашан танымал болды? 

Тайлақ Нұражы Қытайдың Чэнду қаласында дүниеге келген. 2023 жылдың мамыр айында Road to UFC реалити-жобасында Оңтүстік Корея файтері Хан Сеул Кимді әдемі нокаутпен жеңіп, Қазақстан мен Қытайда танымал бола бастады. Сол кезде UFC-дің ресми сайты оны болашағы зор файтер ретінде атап өткен еді.

Тайлақ — бразилиялық файтерді нокаутқа түсірген алғашқы спортшы

2024 жылдың ақпанында Тайлақ Қазақстанның Naiza FC промоушенінде Алматыда тұратын бразилиялық Дуглас Пуманы нокаутқа түсірген алғашқы спортшы атанды. Қазір ол қатарынан бес жекпе-жегін мерзімінен бұрын аяқтаған, оның үшеуі – бірінші раундта.

UFC-дегі қазақтар: Нұрданбек, Қайсар және жаңа есім – Тайлақ 

Қазір UFC-де Қытай атынан екі қазақ спортшысы өнер көрсетуде:

• Сайран Нұрданбек (жартылай жеңіл салмақ, 3 жеңіс – 3 жеңіліс),
• Мақсат Қайсар (жеңіл салмақ, 2 жеңіс – 3 жеңіліс).

Ал 2014 жылы үш жекпе-жек өткізген Жұмабек Тұрсын (0-3) қазіргі таңда Алматыда тұрады.

Тайлақпен бірге Дияр Нұрғожай октагонға шығады

23 тамыздағы UFC Fight Night турнирінде Тайлақпен қатар Қазақстанның тағы бір өкілі, жартылай ауыр салмақтағы Дияр Нұрғожай да октагонға шығады. Оның қарсыласы қырғызстандық Уран Сатыбалдиев болады.