Бангкоктағы World Boxing ұйымы ұйымдастырған жастар арасындағы Азия чемпионатында Тимур Тайбеков алғашқы жекпе-жегін сенімді жеңіспен бастады.
80 келіге дейінгі салмақта (U19) сынға түскен Тайбеков 1/8 финалда Сингапур өкілі Райан Ли Бенджаминмен қолғап түйістірді.
Жекпе-жек барысында әр раундта бір-бір нокдаун тіркеліп, үшінші раундтағы соққыдан кейін төреші кездесуді мерзімінен бұрын тоқтатуға мәжбүр болды. Тайбеков айқын басымдықпен жеңіске жетті.
Осылайша, Тимур Тайбеков Азия чемпионатының ширек финалына жолдама алды. Ендігі қарсыласы – Түрікменстан құрамасының мүшесі Сапаргелді Нурягдыев.
