9 тамызда Ақтөбеде ірі халықаралық Wrestling Stars League 4 турнирі өтеді.
Бұл додаға Қазақстан ұлттық құрамасының бірнеше балуаны қатысады. 97 келі салмақ дәрежесінде ел намысын Ризабек Айтмұхан қорғайды.
Оның басты қарсыластары – ресейлік Константин Пшеничников, Рамазан Шабанов және Омар Зияутдинов.
79 келіде – Дәулет Ергешке ресейлік Магомед Магомаев қарсы тұрады.
65 келіде – Мейрамбек Қартбай Қырғызстан балуаны Нұрсадық Нұрдиновпен белдеседі.
Турнир кардында бұлардан бөлек тағы да бірқатар тартысты жекпе-жектер жоспарланған.Wrestling Stars League 4 – халықаралық деңгейдегі беделді турнир. Мұнда әлемнің мықты балуандары күш сынасады.
