Азия чемпионатындағы нокауттар фестивалі: Қазақстандық жас боксшылар жартылай финалға шықты

Жекпе-жек нәтижелері:

• 60 кг: Әділет Төртүбек – Шен Чик Куо (Тайвань)

Қазақ боксшысы қарсыласын үшінші раундта техникалық нокаутпен тізе бүктірді. Төртүбек рингте толық үстемдік көрсетіп, жекпе-жекті уақытынан бұрын аяқтады.

• 70 кг: Бейбарыс Әшірбай – Баттумур Ньям-Очир (Моңғолия)

Әшірбай да қарсыласын екінші раундта техникалық нокаутпен жеңіп, жартылай финалға жолдама алды.

• 75 кг: Нұрсұлтан Шілдебай – Такла Сангпак (Таиланд)

Шілдебай туған елінің жанкүйерлерін қуантты – үшінші раундта техникалық нокаутпен жеңіске жетті.

• 80 кг: Тимур Тайбеков – Сапаргелді Нурягдыев (Түрікменстан)

Тайбеков барлық төрешінің бірдей шешімімен айқын басымдықпен жеңіске жетті.

• 85 кг: Нұрсұлтан Қыстаубай – Азирет Автандилов (Қырғызстан)

Қыстаубай да бір ауыздан берілген төрешілер шешімімен қарсыласын артта қалдырды.

• 90 кг: Расул Асанханов – Арвин Шахбаикутенаи (Иран)

Асанхановтың кездесуі өте тартысты өтті. Нәтижесінде ол бөлінген төрешілер шешімімен жеңіске жетіп, келесі кезеңге жолдама алды.