U19 санатындағы 2025 жылғы Азия чемпионатында Қазақстан құрамасы қатарынан үшінші жекпе-жекте нокаутпен жеңіске жетті. Бұл жолы рингте жарқ еткен — Нұрсұлтан Шілдебай.
Бангкоктағы жастар арасындағы алғашқы Азия чемпионатында (U19) World Boxing ұйымы жаңа дәуірге жол ашты. Қазақстан боксшылары турнир басталғалы қарсыластарын бірінен соң бірін техникалық нокаутпен жеңіп келеді. Бұл жолы ел қоржынына кезекті жүлдені Нұрсұлтан Шілдебай алып берді.
75 келі салмақ дәрежесіндегі ширек финалда Шілдебай таиландтық боксшы Такла Сангпакпен қолғап түйістірді. Жекпе-жек басынан-ақ қазақстандық спортшының бақылауында өтті. Бірінші раундта Сангпакты нокдаунға жіберді. Екінші раундта екі мәрте есеп ашылды. Үшінші раундта соққылар легінен кейін рефери жекпе-жекті тоқтатуға мәжбүр болды.
Осылайша Шілдебай жартылай финалға жолдама алып, кемінде қола медальды қамтамасыз етті.
"Шілдебайдың сенімді әрі үстем жеңісі Қазақстан боксының жүйелі жаттығу мен шынайы шеберлікке сүйенетінін дәлелдеді", — деп жазды жанкүйерлер әлеуметтік желілерде.
Бұған дейін дәл осы күні тағы екі қазақстандық боксшы жартылай финалға мерзімінен бұрын шықты:
Үшеуі де қарсыластарын нокаутпен жеңіп, кемінде қола жүлдегер атанды.
