Бангкокта жастар арасындағы Азия чемпионатында (U19) 57 келі салмақ дәрежесінде сынға түскен Аяжан Ермек вьетнамдық Тхи Тхом Вуға қарсы сенімді жеңіске жетті.
Үш раундқа созылған жекпе-жекте қазақстандық боксшы басымдылығын толық көрсетті. Қазылар бірауыздан жеңісті Аяжанға берді. Осылайша ол финалға шықса, қарсыласы қола жүлдені қанағат тұтты.
U19 жас санатындағы финалдық жекпе-жектер 10 тамыз күні өтеді. Қазақстан жанкүйерлері енді Аяжанның алтын жүлде үшін айқасын тағатсыздана күтеді.
Бұл біріншілік – World Boxing ұйымының ұйымдастыруымен өткен алғашқы жастар арасындағы Азия чемпионаты. Сол себепті де бұл жарыстың маңызы ерекше.
