АҚШ-тың Невада штатындағы UFC on ESPN 72 турнирінде көрермендерді дүр сілкіндірген сирек нокаут тіркелді.
Андеркард кезеңінде америкалық Элайджа Смит жапондық Тосиоми Кадзамамен октагонға шықты. Бірінші раундта Смит қарсыласын күшті слэм әдісімен нокаутқа түсірді. Бұл сәттің бейнежазбасы жанкүйерлер назарына ұсынылды.
Турнирдің мэйн-ивентінде грузин орта салмақ жекпе-жек шебері Роман Долидзе америкалық Энтони Эрнандеспен күш сынасты. Төртінші раундта Эрнандес қарсыласын арқадан қылқындыру әдісімен (rear-naked choke) сабмишен арқылы жеңді. Бұл жеңіс америкалық спортшының кәсіби мансабындағы 20-шы жеңісі болды (20-2). Ол қатарынан 8 айқаста жеңіс сериясын жалғастырып келеді.
