23 тамыз күні Қытайдың Шанхайда өтетін UFC Fight Night 257 турнирінде қазақстандық Дияр Нұрғожай (10-1) мен қырғызстандық Уран Сатыбалдиев (8-1) октагонға шығады.
Жартылай ауыр салмақта (93 кг дейін) өтетін айқас турнирдің ашылу жекпе-жегі болады. Ол Астана уақытымен шамамен сағат 12:00-де басталады.
Қазақстандық файтер соңғы рет октагонға наурыз айында шықты. Ол UFC Fight Night 254 турнирінде бразилиялық Брендсон Рибейромен кездесіп, екінші раундта тұншықтыру әдісімен жеңіліп қалды.
Қырғызстан өкілі сәуір айында UFC on ESPN 65 турнирінде словакиялық Мартин Будайға қарсы жұдырықтасып, төрешілердің бірауыздан шешімімен жеңілісті мойындады.
