Қазақстан құрамасының мүшесі, тәжірибелі боксшы Надежда Рябец Ливерпульде өтіп жатқан әлем чемпионатындағы алғашқы кездесуінде жеңіліске ұшырады.
1/16 финалда 75 келі салмақ дәрежесінде ол Қытайдың атақты өкілі Лина Ванға қарсы шығып, қазылардың бірауызды шешімімен ұтылды.
Лина Ван — 2018 жылғы әлем чемпионы, сондай-ақ ірі халықаралық турнирлердің жүлдегері. Ол 2023 жылы күміс, ал 2019 және 2025 жылдары қола медаль иеленген тәжірибелі спортшы.
Осылайша қытайлық боксшы турнирдің келесі кезеңіне өтті, ал Рябец чемпионатты ерте аяқтады.
Бұл нәтиже Қазақстан үшін екінші шығын болды. Бұған дейін 54 келі салмақта сынға түскен Элина Базарова да жарысты мерзімінен бұрын аяқтаған еді.
Айта кетейік, Рябец бұған дейін 2023 жылғы әлем чемпионатында қола жүлдеге қол созған.
