Ливерпульдегі бокстан әлем чемпионатында Бибарыс Жексен жанкүйерлерін қуантты.
60 келіге дейінгі салмақта өнер көрсеткен Бибарыс Жексен үндістандық боксшы Сачинмен қолғап түйістірді. Қарсыластар арасындағы айқас жоғары қарқында өтіп, қазылар алқасы қазақстандық спортшыны басым деп таныды. Нәтижесінде Жексен 4:1 есебімен жеңіске жетті.
Оған ширек финалда Олимпиада чемпионы, өзбекстандық Абдумалик Халоков қарсылас атанады.
Айта кетейік, Ливерпульде өтіп жатқан дода – World Boxing ұйымы ұйымдастырып отырған ересектер арасындағы тұңғыш әлем чемпионаты. Бұл жарыс халықаралық бокс тарихындағы жаңа дәуірдің бастауы ретінде бағалануда.
