Бокстан Ливерпульдегі әлем чемпионатында ұлттық құрама капитаны, екі дүркін Азия чемпионы Айбек Оралбай алғашқы жекпе-жегінде қарсыласын ойсырата жеңді.
90 келіден жоғары салмақ дәрежесінде сынға түскен Оралбай түркиялық Ильяс Мүджахитпен рингке шықты. Жекпе-жек барысында қазақстандық боксшы толық үстемдік танытып, төрешілер бірауыздан 5:0 есебімен жеңісті Оралбайға берді.
Бұл нәтижеден кейін Айбек Оралбай әлем чемпионатының ширек финалына шықты. Ол бұл кезеңде хорватиялық Лука Пратляньичпен қолғап түйістіреді.
Айта кетейік, Оралбай 2022 және 2024 жылдары Азия чемпионы атанған.
