Қазақстандық боксшы Махмұд Сабырхан Ливерпульдегі әлем чемпионатының ширек финалында өнер көрсетті.
55 келіге дейінгі салмақта бақ сынаған Сабырханның қарсыласы жапондық Руи Ямагучи болды. Кездесу барысында қазақстандық былғары қолғап шебері алғашқы раундта қарсыласын нокдаунға жіберді. Екінші раундта өзі де сол жағдайға түсті.
Соған қарамастан Махмұд айқасты сенімді аяқтап, төрешілердің бірауыздан шығарған шешімімен жеңіске жетті.
Бұл жеңіс Сабырханға турнирдің жартылай финалына жолдама сыйлап, кем дегенде қола медаль қамтамасыз етті.
