Қазақстандық аралас жекпе-жек шебері Рамазан Амангелді (5-1) Ташкенттегі Octagon 79 турнирінде жергілікті Фархад Ергишбаевты (4-3) айқын жеңді.
Жартылай жеңіл салмақта өткен жекпе-жек үш раундқа созылып, төрешілердің бірауызды шешімімен қазақстандық файтердің пайдасына аяқталды. Осылайша Амангелді өзінің бесінші кәсіби жеңісіне жетті.
Амангелді мен Ергишбаев арасындағы айқастың ең қызықты тұстарын бейнематериалда тамашалауға болады. Қазақстандық спортшы қарсыласына басымдық көрсетіп, тактикалық тұрғыдан сауатты өнер көрсетті.
Octagon 79 турнирінің негізгі оқиғасы жеңіл салмақтағы чемпиондық белбеу үшін өтетін айқас болады. Мұнда әлі жеңілістің ащысын татпаған қазақстандық файтер Саят «Аватар» Әбдуали (8-0) өзбек спортшысы, «Қоқан арыстаны» атанып кеткен Амирхон Алихуджаевпен (12-5) жолығады. Бұл кездесу Орталық Азия ММА жанкүйерлерінің басты назарында болмақ.
