Джалолов Өзбекстан құрамасына үшінші Олимпиада алтыны үшін орала ма?

Көптеген жанкүйерлер оның кәсіпқой рингтегі дебютін тағатсыздана күтті. Джалоловтың табысқа жетуге барлық мүмкіндігі бар еді – мықты физикалық дайындығы, нокаутқа түсіретін соққысы және алғашқы беделді жекпе-жегіне дейін WBC рейтингінде үздік 15-тің ішінде орны бар болатын. Алайда шындық басқаша болып шықты. 13 ай ішінде ол небәрі бір ғана жекпе-жек өткізді, онда жеңіске жеткенімен, қарсыласы элиталық деңгейде болмағандықтан, жанкүйерлерді қанағаттандырмады.

Кәсіпқой бокстағы қиындықтар

• Ақпандағы және тамыздағы жекпе-жектері өтпей қалды;
• Өткізген жалғыз кездесуі украиналық Игорь Шевадзуцкийге қарсы болды. Жеңіске жеткенімен, сұрақтар қалдырды;
• Келесі жекпе-жегі Санкт-Петербургте ресейлік Виталий Кудуховқа қарсы өтеді. Бірақ жанкүйерлерді бұл жекпе-жек қынжылтады, өйткені ол IBA Pro аясында өтеді және ресми статистикаға кірмейді. Бұған қоса, қарсыласы Джалоловтың чемпиондық амбицияларына сай келмейді;
• Қаржылай тұрғыдан тиімді болғанымен, бұл жол кәсіпқой бокста үлкен жетістікке апармайтын сияқты.

Әуесқой спортқа оралу

Соңғы жағдайлар Джалоловтың әуесқой боксқа қайта оралуы мүмкін деген әңгімелерді күшейтті. Бұған оның бапкерлері де ықпал етуі ықтимал. Сонымен қатар Олимпиададан кейін аса ауыр салмақтағы әлемдегі көптеген мықты боксшылар спорттан кетті. Сондықтан Джалолов үшінші Олимпиада алтыны үшін күресу мақсатында қайта оралуы мүмкін. Қазақстан құрамасының бапкерлері мұндай сценарийге дайын болуы тиіс.