2025 жылғы әлем чемпионатында Қазақстан боксы тарихи нәтиже көрсеткенімен, World Boxing ұйымы жеңімпаздарға ешқандай қаржылай сыйақы бермеген. Бұл туралы ұлттық құраманың бас бапкері Қайрат Сәтжанов айтты.
2025 жылы Ливерпульде (Англия) өткен әлем чемпионаты Қазақстан үшін нағыз триумф болды. Тәуелсіз ел тарихында тұңғыш рет біздің боксшылар World Boxing нұсқасы бойынша жалпыкомандалық есепте бірінші орын иеленді.
Алайда жеңіс қуанышы ұзаққа созылмады — спортшыларға уәде етілген қаржылай сыйақы берілмегені белгілі болды.
«Жоқ, World Boxing тарапынан ешқандай сыйақы болған жоқ», — деді бас бапкер Қайрат Сәтжанов Sports.kz-ке берген сұхбатында.
Осы жерде бір айта кетерлігі, басқа халықаралық жарыстарда алтын медаль иегерлері, әдетте, сыйақы алады.
Қазақстан құрамасы әлем чемпионатында 7 алтын, 1 күміс және 2 қола медаль жеңіп, абсолютті көшбасшы атанды.
Ерлер командасының қоржынына алтын жүлделерді келесі спортшылар салды:
