Энди Аспиналл — 32 жастағы ауыр салмақтағы UFC чемпионы, ағылшын Том Аспиналлдың әкесі әрі бас бапкері — ұлының француз Сирил Ганмен өткен жекпе-жектен кейінгі жағдайы туралы айтты. Кездесу кезінде Ган қарсыласына көзге саусақпен тигізіп алған болатын.
Том Аспиналл жекпе-жекті жалғастырудан бас тартты, ал айқас жойылған деп танылды.
"Бәрі жаман. Том әлі де оң көзінен ештеңе көрмейді. Ол тек алдында сұр перде тұрғандай сезінеді деді. Ал сол көзі 50% ғана көреді, бәрі өте-өте бұлдыр", – деді Аспиналлдың әкесі.
Бұл кездесу Том Аспиналлдың ауыр салмақтағы (120,2 кг дейін) белбеуін алғаш қорғауы болатын. Ган жекпе-жекке дейін дивизион рейтингінде бірінші орында тұрған.
Жекпе-жек бес раундқа есептелгенімен, бірінші раундта-ақ аяқталды. Француз спортшы ағылшынның екі көзіне қатар тиіп кетті. Рефери жекпе-жекті тоқтатты, ал Аспиналға медициналық көмек қажет болды.
Спортшының оң көзі қатты зақымданған. Ресми бес минуттық үзіліс оны қалпына келтіруге жеткіліксіз болды. Дәрігерлер оның жекпе-жекті жалғастыруына тыйым салды. Осылайша, айқас жойылған деп танылып, ешқандай нәтиже тіркелмеді.
Октагонда Аспиналл ренішін білдіріп, болған жағдайды «нағыз көңілсіздік» деп атады. Ал Ган қарсыласынан кешірім сұрап, спортта мұндай жағдайлар болатынын айтты.
