Алматыда өтетін OCTAGON 81 турнирінің негізгі кардындағы қызықты жекпе-жектер белгілі болды. Кештің басты оқиғаларының бірі — қазақстандық файтер Алдияр Анарбаев пен өзбек спортшысы Умид Ешмұрадов арасындағы айқас болмақ.
Жеңіл салмақ (bantamweight) санатындағы бұл кездесу екі спортшының да мансабында маңызды кезең болмақ.
Олар октагонда алғаш рет бір-біріне қарсы шығып, жеңіс арқылы рейтингтегі орнын жақсартуды көздейді.
Турнирдің негізгі басты жекпе-жегі (main event) — Қырғызстанның жаңа чемпионы Фарида Абдуева (5–1) мен Бразилия өкілі Силвания Монтейро (11–4) арасындағы айқас болады.
Абдуева жақында минималды салмақтағы титулды жеңіп алып, UFC-ге жолдама алуға басты үміткерлердің бірі саналып отыр. Ал Монтейро болса тәжірибелі қарсылас ретінде оңай берілмейтінін мәлімдеген.
