Лондондағы Tottenham Hotspur Stadium аренасында орта салмақтағы (72,6 кг) реванш жекпе-жегінде британдық жұлдыздар Крис Юбэнк-джуниор (35-4, 25 KO) мен Конор Бенн (24-1, 14 KO) қайта жолықты.
Конор Бенн рингке әдеттегідей шабуылдаушы тактикамен шықты. Юбэнк оған джебпен қарсы жауап беруге тырысты, жиі клинчке жүгінді. Оның басты мақсаты – жекпе-жектің басында Бенннің жылдамдығынан ауыр соққылар алмау.
3-раундта Юбэнк сәл белсенділігін арттырды. Ал 4-раундта екеуі хук алмасып, айқас қыза түсті. Бірақ британдық бокс жанкүйерлері күтпегендей Юбэнк тым пассивті болды. Төрешілер картасында есеп 0:4 болуы әбден мүмкін еді.
Рингтегі динамика өзгергенімен Юбэнк бірқалыпты жекпе-жек көрсете алмады. Бенн біршама маневрлілігін жоғалтса да, бір жақ бетке шығумен жақсы қорғанды.
7-раундта екеуі қайта жанды. Бірақ Бенннің эпизодтары әлдеқайда әсерлі болды. 9-раундта рефери кездейсоқ соққы алды. Юбэнктің бұрышында ашу көбейді – тіпті атақты әкесі де келіп жігерлендірді.
Жанкүйерлер айқас тым баяу жүріп жатқанын байқап, наразылық білдіре бастады. Алайда шешуші раундта Конор Бенн күттіртпей-ақ шоу жасады. Юбэнкті екі рет нокдаунға жіберді. Жекпе-жекті ерте аяқтауға аз ғана уақыт жетпей қалды.
Төрешілер шешімі:
Үшеуі де — Конор Бенннің пайдасына.
Еске салайық, орта салмақта (WBO және IBF нұсқасы бойынша) әлем чемпионы – Қазақстан боксшысы Жәнібек Әлімханұлы (17-0, 12 KO).
