World Boxing ұйымының жаңа президентін сайлау алдында күтпеген өзгеріс болды. Грекия бокс федерациясының президенті Харис Мариолис өз кандидатурасын ресми түрде кері қайтарып алды.
Мариолистің шешімінен кейін президенттікке жалғыз үміткер ретінде Геннадий Головкин қалды. GGG — Қазақстанның Ұлттық Олимпиада комитетінің президенті, әрі әлемдік бокстағы ең танымал әрі ықпалды тұлғалардың бірі.
Бұл шешім Головкиннің халықаралық бокстағы беделінің тағы бір дәлелі ретінде қабылданып отыр.
World Boxing-тің жаңа басшысын сайлаудың соңғы кезеңі осы аптаның соңында Римде өтеді. Қазір әлемдік ұйымның конгресі өтіп жатыр.
