Чехия–Словакияның Oktagon MMA лигасында (жиі «Еуропаның UFC-і» деп аталады) чемпиондық белбеуді қорғауға дайындалып жатқан қазақстандық файтер Жалғас Жұмағұлов ресми өлшеуде салмақ лимитіне сыя алмады.
28 желтоқсанда Прагада (Чехия) өтетін турнирде Жалғас Жұмағұлов жергілікті файтер Давид Дворжакпен кездеседі. Бұл айқас ақтөбелік файтер үшін алғашқы титул қорғау болуы тиіс.
Жекпе-жек қарсаңында қарсыластар таразыға шыққан кезде Жұмағұловтың салмағы 57,05 кг болып тіркелді. Бұл жеңіл салмақтағы белгіленген шектен (56,7 кг) жоғары.
Ұйымдастырушылар мәліметінше, қазақстандық спортшыға артық салмақтан арылу үшін 2 сағат уақыт берілген.
Жалғас Oktagon MMA чемпионы атағын 2025 жылдың маусымында жеңіп алған. Ол кезде қазақстандық файтер грузиялық Бено Адамияны (12-9-2) төрешілердің бірауызды шешімімен ұтып, чемпиондыққа көтерілген еді.
