Ресейлік файтер Шарабутдин Магомедов (лақап аты — «Шара Буллет») армениялық Арман Царукянмен өткен белдесуден кейін қазақстандық Қуат Хамитовқа әзіл-қалжың ретінде «шабуыл» жасап, жұртты күлдірді.
Царукянмен болған кездесуден соң Магомедов ринг ішінде тұрған Қуат Хамитовқа жүгіріп барып, әзілдеп күрес тәсілін жасап көруге, әрі бірнеше «соққы» имитациясын көрсетуге тырысты.
Осы сәтте ресейлік спортшы: «Шара күресе алмайды деген кім?!» деп әзіл тастады. Бұған жауап ретінде Қуат Хамитов та қалжыңды іліп әкетіп: «Сөзімді қайтарып аламын!» деді.
Еске сала кетейік, Шарабутдин Магомедов пен Арман Царукян Арменияның Ереванда грэпплинг ережесі бойынша белдесіп, кездесу тең нәтижемен аяқталған.
