Бұған дейін Жұмағұлов бірнеше рет өзінің негізгі мақсаты — UFC-ге қайта оралу екенін ашық айтқан еді.
Қазақстандық аралас жекпе-жек шебері, Oktagon лигасының қазіргі чемпионы Жалғас Жұмағұловқа Fight Nights ММА-промоушенінің Гран-приінде өнер көрсетуі мүмкін. Бұл туралы ресейлік ұйымның Камил Гаджиев мәлімдеді.
Камил Гаджиевтің айтуынша, егер Жұмағұловтың Oktagon ұйымымен келісімшарты аяқталса немесе тараптар жолын екіге айырса, қазақстандық файтер Fight Nights лигасының Гран-при турниріне қызықты үміткер болар еді.
«Маған Жалғас Oktagon-мен қарым-қатынасын аяқтаса, Fight Nights Гран-приі үшін өте лайықты спортшы болар еді деп ойлаймын. Қалай қарайсыз?» — деді Гаджиев «Итоги недели» бағдарламасында.
Еске сала кетейік, 2025 жылдың соңында Жалғас Жұмағұлов Oktagon лигасында аса жеңіл салмақтағы чемпиондық белбеуін сәтті қорғады. Ол чехиялық Давид Дворжакты мерзімінен бұрын жеңіп, Еуропадағы позициясын тағы да нығайтты. Соған қарамастан, Жұмағұлов бірнеше рет өзінің негізгі мақсаты — UFC-ге қайта оралу екенін ашық айтқан. Бұған дейін ол әлемдегі ең ірі ММА лигасында өнер көрсетіп, бірқатар даулы жеңілістерден кейін ростерден шығарылған еді.
