Қазақстандық боксшы Төрехан Сабырхан Испанияның Ла-Нусия қаласында өтіп жатқан беделді Boxam Elite-2026 халықаралық турниріндегі алғашқы жекпе-жегін өткізді.
Төрехан 70 кг дейінгі салмақ дәрежесінің алғашқы айналымында Кабо-Верде өкілі Айлтон Монтейромен қолғап түйістірді. Қазақстандық боксшы үш раунд бойы шабуылда да, қорғаныста да дәлдігімен көзге түсті.
Сабырхан кездесуді төрешілердің бірауыздан қабылдаған шешімімен (5:0) өз пайдасына аяқтады.
Айта кетейік, 19 жастағы Төрехан Сабырхан былтыр Ливерпульде өткен World Boxing ұйымының аясындағы алғашқы әлем чемпионатында Қазақстан сапында жеңімпаз атанған жеті боксшының бірі болған.
Boxam Elite-2026 турнирі 3–8 ақпан аралығында өтеді. Бұл жарыста Қазақстан құрамасы ерлер және әйелдер бәсекесінде де өнер көрсетіп жатыр.
