Әлем чемпионатында әділетсіздікке ұрынған қазақ боксшысы қарсыласын нокдаунға жіберді

Канадалық қарсыласқа нокдаун есептелді

Жақпеков 80 кг дейінгі салмақ дәрежесіндегі дебюттік айқасында Канада өкілі Джошуа Офоримен жұдырықтасты. Кездесу қазақстандық боксшының төрешілердің бірауыздан шешімімен (5:0) жеңісімен аяқталды. Сонымен қатар үшінші раундта канадалық спортшыға нокдаун есептелді.

Ерасыл Жақпеков соңғы жылдары халықаралық ареналарда тұрақты нәтиже көрсетіп келеді:

• 2024 жылғы Азия чемпионаты (Чиангмай, Таиланд) – қола жүлде
• Eindhoven Box Cup 2025 (Нидерланд) – алтын медаль. Финалда украиналық Артур Касьяновты сенімді түрде жеңді
• Strandja Cup-2025 (Болгария) – финалист. Шешуші жекпе-жекте өзбекстандық Фазлиддин Еркінбоевтен ұтылды

Дубайдағы даулы шешім: сарапшылар сынға алған төрешілік

IBA әлем чемпионаты-2025 (Дубай) барысында Жақпеков төрешілер дауына іліккен еді. Ол 1/8 финалда ресейлік Джамбулат Бижамовты нокдаунға жіберіп, көптеген сарапшы мен жанкүйердің пікірінше айқаста басымдық танытқан. Алайда төрешілер жеңісті қарсыласына беріп, бұл шешім қоғамда үлкен талқы тудырды.

Испаниядағы Boxam Elite-2026 жарысы 7 ақпанға дейін жалғасады.