Оңай олжа, тосын сый! Boxam Elite-тің екінші күні несімен таңқалдырды?

4 ақпан күні Испанияның Ла-Нусия қаласында халықаралық Boxam Elite-2026 бокс турнирінің екінші жарыс күні өтті. Қазақстанның ерлер және әйелдер құрамаларының мүшелері шаршы алаңға шығып, мықтылығын көрсетуге тырысты. 

Келесі кезеңге өткендер

Турнирдің екінші күнінде Қазақстан құрамасының бірқатар боксшысы сәтті өнер көрсетті. Негізгі құрам өкілдері, ағайынды Махмұд пен Төрехан Сабырхан ширек финалға жолдама алды.

Сонымен қатар, Санжар Тәшкенбай, Нұрзат Оңғаров, Нұрбек Оралбай — жартылай финалға шықты.

Ал Нұрбек Мұрсал келесі кезеңге жекпе-жексіз өтті. Оның қарсыласы, Украина өкілі Бозорбой Матякубов турнирден бас тартты.

Турнирден шығып қалғандар

Екінші жарыс күні Қазақстан құрамасы бірнеше боксшысынан айырылды. 4 ақпанда жүлде үшін күресті:

• Азиза Исина,
• Рахмина Абдумежитова,
• Ерасыл Жақпеков аяқтады.

4 ақпандағы жекпе-жек нәтижелері

Әйелдер:

• 70 кг: Азиза Исина — Арундати Чоудари (Үндістан) 0:5
• 51 кг: Рахмина Абдумежитова — Ноэлия Гутьеррес (Испания) 0:5

Ерлер:

• 50 кг: Санжар Тәшкенбай — Риши Сингх (Үндістан) 4:1
• 55 кг: Махмұд Сабырхан — Изайя Гоше (Франция) 4:1
• 70 кг: Төрехан Сабырхан — Коуц Маюм (Дания) 5:0
• 85 кг: Нұрбек Оралбай — Данила Жасан (Украина) 3:2
• 90 кг: Оңталап Рахманов — Леон Кермас (Эстония) 5:0
• 50 кг: Нұрзат Оңғаров — Исайя Рок (Канада) 5:0
• 55 кг: Бексұлтан Боранбек — Аарон Эндрю Каллем (Шотландия) 5:0
• 70 кг: Нұрбек Мұрсал — Бозорбой Матякубов (Украина) Мұрсалдың жеңісі — қарсыластың келмеуіне байланысты
• 80 кг: Ерасыл Жақпеков — Анкуш (Үндістан) 2:3
• 80 кг: Азамат Бектас — Умар Каркамо (Канада) 5:0

Айта кетейік, Boxam Elite-2026 халықаралық турнирі 7 ақпанға дейін жалғасады. Қазақстан құрамасы алдағы күндері де жүлделер үшін күресін жалғастырады.