Мұхамедсабыр Базарбайұлы "Странджа" турнирінде сәтті дебют жасады.
55 кг дейінгі салмақ дәрежесінде өткен 1/16 финалда Базарбайұлының қарсыласы Өзбекстан өкілі Абдулазиз Жұрақұлов болды. Айта кетейік, қарсылас 2024 жылғы жастар арасындағы әлем чемпионы атағына ие.
Жекпе-жек толық үш раундқа созылып, төрешілердің шешімі қазақстандықтың пайдасына шықты. Ал Жұрақұлов турнирден шығып қалды.
Софиядағы “Странджа-2026” турнирі 1 наурызда мәресіне жетеді. Бұл жарысқа Қазақстан құрамасы жалпы 39 спортшыны қосты.
