World Boxing ұйымының Instagram-парақшасында Махмұд пен Төрехан Сабырханның оқу-жаттығу жиынынан видео жарияланды.
Қос боксшы Азия чемпионатына дайындықты күшейтіп, жаттығу қарқынын арттырған.
World Boxing жазбасында бауырлардың бапты шыңдап, жоспарлы түрде жұмыс істеп жүргенін жеткізген. Видеода спортшылардың техника, жылдамдық және қозғалысқа арналған жаттығуларды орындаған сәттері көрінеді.
Бокстан Азия чемпионаты Моңғолия астанасы Ұлан-Батырда өтеді. Жарыс 28 наурыз – 11 сәуір аралығына жоспарланған.
Махмұд Сабырхан – Азия чемпионы (2024), сондай-ақ құрлық біріншілігінің күміс жүлдегері (2022).
Төрехан Сабырхан – жасөспірімдер мен юниорлар арасында Азия чемпионатын төрт рет жеңіп алған тарихтағы алғашқы боксшы.
