Нокауттар, бас тарту және жіберілген мүмкіндіктер: Қазақстан "Futures Cup"-та медаль үшін қалай айқасты?

Ерлер арасындағы нәтижелер

50 келі

• Арман Мірсәбит — Михаил Сидоренко (Украина) — 2:3

Қазақстандық боксшы тартысты өткен жекпе-жекте төрешілер шешімімен есе жіберді.

60 келі

• Досжан Жұмақан — Кристиан Харасник (Словакия) — Жұмаханның жеңісі

Словакиялық боксшы жекпе-жекке шықпағандықтан Досжан автоматты түрде келесі кезеңге өтті.

70 келі

• Бибарыс Әшірбай — Асанте Ламар (АҚШ) — 3:2

Қазақстандық былғары қолғап шебері өте тартысты кездесуде қарсыласынан басым түсіп, жартылай финалға шықты.

75 келі

• Хамза Мақсатұлы — Исфандиер Хасимов (Тәжікстан) — Хамза Мақсатұлының техникалық нокаутпен жеңісі

Хамза жекпе-жекті бірінші раундтың өзінде аяқтап, айқын басымдық танытты.

80 келі

• Тимур Тайбеков — Тронг Тиен Нгуен (Вьетнам) — Тайбековтың техникалық нокаутпен жеңісі

Жекпе-жек екінші раундта тоқтатылып, қазақстандық боксшының жеңісі тіркелді.

85 келі

• Нұрсұлтан Қыстаубай — Жахонгир Рузибоев (Тәжікстан) — Қыстаубайдың техникалық нокаутпен жеңісі

Бұл кездесуде де қазақстандық боксшы бірінші раундта-ақ қарсыласын тоқтатты.

Қыздар арасындағы жекпе-жек қорытындылары

57 келі

• Ақнұр Тұрсынғали — Бесма Бахри (Алжир) — 4:0

Қазақстандық боксшы сенімді жеңіске жетіп, жартылай финалға жолдама алды.

60 келі

• Жасмин Абрамян — Лиз Тейссен (Нидерланды) — 1:4

Бұл кездесуде Жасмин төрешілер шешімімен жеңіліп қалды.

65 келі

• Айсұлу Мұхит — Лорин Элмор (АҚШ) — 0:5

Айсұлу Мұхит америкалық қарсыласына есе жіберіп, турнирдегі жорығын аяқтады.

Осылайша ширек финал қорытындысы бойынша Қазақстан құрамасының алты боксшысы жартылай финалға шығып, кем дегенде қола медальді қоржынға салды.