Қазақстандық файтер 2026 жылы осымен екінші рет тексерілді.
Қазақстандық UFC файтері Асу Алмабаев допингке қарсы тексерістен өтті. Бұл туралы UFC спортшыларын бақылап отыратын UFC Drug Testing Watch аккаунты хабарлады.
Мәліметке сәйкес, допинг-сынама өткен аптада алынған. Бұл Алмабаев үшін 2026 жылғы екінші тексеріс болып отыр.
UFC жүйесінде мұндай тексерістер спортшылардың адалдығын бақылау мақсатында тұрақты түрде жүргізіледі.
Еске салайық, Асу Алмабаев 1 наурыз күні Мехикода өткен UFC турнирінде мексикалық Брэндон Мореномен жекпе-жек өткізуі тиіс еді7
Алайда дайындық барысында алған қол сынуына байланысты қазақстандық спортшы кездесуден бас тартуға мәжбүр болды.
Қазіргі таңда Асу Алмабаев UFC-дің аса жеңіл салмақ дәрежесінде ТОП-10 қатарында, нақтырақ айтқанда 8-орында тұр.
Айта кетейік, жуырда қазақстандық файтер жеке өміріндегі қуанышты жаңалығымен бөлісіп, бесінші рет әке атанғанын хабарлаған болатын.
