Қазақстандық ММА шебері Жалғас Жұмағұлов алдағы кездесуінің нақты күнін мәлімдеді.
Еуропадағы беделді ММА ұйымдарының бірі — Oktagon лигасы аса жеңіл салмақтағы чемпионмен келісімшартқа қол қойды. Жекпе-жек 11 сәуірде өтеді деп жоспарланып отыр.
Жұмағұлов бұл жаңалықты өзінің X әлеуметтік желісіндегі парақшасында растады.
"Келісімшартқа қол қойылды. 11 сәуір — мен шайқасқа шығамын", — деп жазды қазақстандық файтер.
Жалғас Жұмағұлов дәл осы 11 сәуірде жұдырықтасқысы келетінін айтып жүрген. Алайда сол кезде оның қарсыласы турнирден шығып қалып, жоспарланған кездесу жүзеге аспай қалды.
Кейіннен қазақстандық файтер Oktagon ұйымындағы болашағына қатысты тың ойын бөлісіп, қажет болған жағдайда жеңіл салмақ дәрежесіне ауысуы мүмкін екенін жеткізді. Мұндай қадам титулдық жекпе-жекке жол ашуы ықтимал. Әсіресе лиганың бразилиялық чемпионы Игор Севериноға қарсы айқас нұсқасы айтылған.
Жалғас Жұмағұловтың соңғы жекпе-жегі 2025 жылдың желтоқсан айында өтті. Сол кезде чемпиондық белбеуін сәтті қорғап, чехиялық Давид Дворакты мерзімінен бұрын жеңді.
Бұл жеңіс қазақстандықтың Oktagon ұйымындағы позициясын одан әрі күшейтіп, дивизиондағы ең қауіпті чемпиондардың біріне айналдырды.
