Айбек Оралбай медаль үшін өзбек боксшысымен жұдырықтасады
Азия чемпионатында медаль тағдыры шешіледі.
Моңғолияның Ұлан-Батыр қаласында өтіп жатқан бокстан Азия чемпионаты-2026 турнирінде Қазақстан мен Өзбекстан боксшылары арасында маңызды жекпе-жек өтеді.
Айбек Оралбайдың қарсыласы анықталды
90 келіден жоғары салмақ дәрежесінде Өзбекстан өкілі Арман Маханов 1/8 финалда жарыс иесі Бекнұр Халимен кездесіп, сенімді жеңіске жетті.
Жекпе-жек барысында Маханов қарсыласын 2 және 3-раундтарда екі рет тұрған нокдаунға түсірді. Осыдан кейін төреші айқасты тоқтатты.
Осы жеңістің арқасында өзбек боксшысы ширек финалға шықты.
Келесі кезең: Қазақстан — Өзбекстан
Енді Арман Маханов ширек финалда Қазақстан құрамасының боксшысы Айбек Оралбаймен жұдырықтасады.
Бұл жекпе-жектің маңызы өте жоғары:
- Жеңімпаз жартылай финалға өтеді
- Жартылай финал — кем дегенде қола медаль кепілі.
Айта кетейік, бұл — World Boxing ұйымының ұйымдастыруымен алғаш рет өтіп жатқан ересектер арасындағы Азия чемпионаты.
- Өтетін орны: Ұлан-Батыр, Моңғолия
- Аяқталу күні: 10 сәуір.