Қазақстандық азулы үнді боксшысын тізе бүктірді (ВИДЕО)
Моңғолия астанасы Ұлан-Батырда World Boxing ұйымдастырған Азия чемпионатында Қазақстан құрамасының өкілдері жартылай финалдық кезеңде өнер көрсетуді жалғастырып жатыр.
Instagram/@boxingkazakhstan
Финал жолдамасы сарапқа салынды
Надежда Рябец 80 келіге дейінгі салмақта үндістандық тәжірибелі қарсыласы Пуджа Ранимен қолғап түйістірді. Бұл боксшы — Азияның екі дүркін чемпионы әрі 2025 жылғы World Boxing әлем чемпионатының қола жүлдегері.
Тартысты өткен кездесуде қазақстандық боксшы сенімді мінез танытып, төрешілердің аралас шешімімен (3:1) жеңіске жетті. Осы нәтижеден кейін Пуджа Рани жарысты қола медальмен аяқтаса, Надежда Рябец финалда алтын жүлде үшін айқасатын болды.
Азия чемпионаты қашан аяқталады?
Ұлан-Батырдағы құрлық біріншілігі 10 сәуірде мәресіне жетеді. Биылғы додаға 20-дан астам елдің былғары қолғап шебері қатысып жатыр.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet