Қазақстандық балуан Еламан Амангелді Азия чемпионатында күміс жүлде жеңіп алды
Еркін күрес балуаны Вьетнамда жастар арасындағы Азия чемпионатында күміс жүлдегер атанды.
instagram/@etozhes
Үндістандық балуанға есе жіберді
Былтырғы құрлық біріншілігінің қола жүлдегері бұл жолы финалға дейін жетіп, Қазақстан құрамасының қоржынына күміс медаль салды.
Еламан Амангелді шешуші белдесуде үндістандық Акшай Дхеремен кездесті. Тартысты өткен жекпе-жекте қазақстандық балуан қарсыласына 2:4 есебімен жол берді.
Еркін күрес балуандарының алғашқы медалі
Амангелдінің күміс жүлдесі — Қазақстанның еркін күрес құрамасы үшін осы континенттік додадағы алғашқы медаль болды.
Еламан Амангелді ширек финалда ол Оңтүстік Корея өкілі Юхьёнг Лиді 3:0 есебімен жеңді. Ал жартылай финалда моңғолиялық Лювсандагва Ерденедавааны 4:1 есебімен ұтты.
Arena Olimpbet-те спорттың ең жаңа және қызықты жаңалықтарын оқыңыз! Толығырақ мәліметтер, талдау және қажеттінің барлығы — сілтеме бойынша: arena.olimpbet