"Қазір бабымның шыңына шығып келемін": Конор Макгрегор ұзақ үзілістен кейін мәлімдеме жасады
UFC жұлдызы Конор Макгрегор бес жылға жуық уақыт жекпе-жек өткізбесе де, өзін өте жақсы сезінетінін айтты.
Макгрегор өзінің қазіргі жағдайын бағалады
Аралас жекпе-жек әлемінің ең танымал өкілдерінің бірі Конор Макгрегор ұзақ үзілістен кейінгі физикалық бабына қатысты пікір білдірді. Ирландиялық файтердің айтуынша, ол қазір өзін бұрынғыдан да сергек сезінеді.
Макгрегор соңғы рет UFC октагонына 2021 жылдың жазында шыққан. Сол кезде америкалық Дастин Порьеге қарсы ауыр жарақат алып, аяғын зақымдаған.
“Мен өзімді басқа файтерлермен салыстырғанда әлдеқайда сергек сезінемін. Маған демалуға уақыт болды. Қазір бабымның шыңына шығып келе жатқандаймын. Дәл осы ой менің басымда”, – деді Конор UFC баспасөз қызметіне берген сұхбатында.
Қашан жекпе-жек өткізеді?
Конор Макгрегордың келесі айқасы 12 шілде күні өтеді деп жоспарланған. Ол АҚШ-тың Лас-Вегас қаласындағы UFC 329 турнирінде америкалық Макс Холлоуэймен кездеседі.
Бұл жекпе-жек Макгрегор үшін ұзақ үзілістен кейінгі маңызды сынақ болмақ. Себебі ирландиялық файтер соңғы жылдары жарақат, дайындық және мансабына қатысты түрлі мәселелерге байланысты октагонға шықпаған еді.
Макгрегор Макс Холлоуэйді жеңген жағдайда UFC-дегі мансабын жалғастыруға ниетті. Ирландиялық файтер алдағы уақытта Ислам Махачевпен кездесу мүмкіндігін де қарастырып отыр.
Айта кетейік, Ислам Махачев бір айдан кейін UFC 330 турнирінде Иэн Гэрриге қарсы октагонға шығады деп күтілуде.