Бекасыл Асамбек әлем чемпионатының күміс жүлдегері атанды

АҚШ балуанына қарсы финал

61 келіге дейінгі салмақ дәрежесінің финалында қазақстандық балуан америкалық Аарон Сайделмен белдесті. Сайдел 7:0 есебімен жеңіске жетті.

Асамбек Братиславадағы әлем біріншілігін өте сенімді бастаған. Алғашқы белдесуінде қытайлық Анчао Луды 10:0 есебімен мерзімінен бұрын жеңді.

Одан кейінгі кездесулерінің нәтижесі:

• 1/8 финалда украиналық Артем Тиснохузды — 10:0;
• ширек финалда ресейлік Зелимхан Чаниевті — 10:0;
• жартылай финалда жапониялық Ицуки Йонашироны — 3:1 есебімен жеңді.

Қазақстандық балуан финалға дейін төрт кездесуде 33 ұпай жинап, қарсыластарына небәрі бір ұпай берді.

Асамбектың бұған дейінгі жетістіктері

Бекасыл Асамбек халықаралық жарыстарда бұған дейін де жүлде алып үлгерген. Ол 2026 жылғы U20 Азия чемпионатының жеңімпазы.

Сондай-ақ 2025 жылы 17 жасқа дейінгі балуандар арасында өткен әлем чемпионатында қола медаль жеңіп алған.

Айта кетейік, бұған дейін Қазақстан құрамасының өкілі Қазыбек Қалмағамбетов 20 жасқа дейінгі балуандар арасындағы әлем чемпионатында грек-рим күресінен алтын медаль иемденген.