"Гена ағамыздың жолын қайталау бұйырсын": Төрехан Сабырхан Головкин туралы пікір білдірді
Бокстан Азия ойындарының чемпионы Төрехан Сабырхан Геннадий Головкинмен кездесуден алған әсерін бөлісті.
GGG-ден тәлім алды
Сабырхан Instagram парақшасында Қазақстан Ұлттық олимпиадалық комитеті мен World Boxing ұйымының басшысы Геннадий Головкинмен түскен суретін жариялады. Жазбасында ол тәжірибелі боксшының бағыт-бағдары мен қолдауының маңызын атап өтті.
"Аты аңызға айналған GGG ағамыздан тәлім мен құнды кеңес алып, чемпиондық жолымызды одан әрі шыңдай береміз! Гена ағамыздың ұлы жолын қайталау бізге де бұйырсын!" – деп жазды Сабырхан.
Азия ойындарының финалында айқын жеңіске жетті
Төрехан Сабырхан Айти–Нагояда өткен XX жазғы Азия ойындарында 70 келіге дейінгі салмақта алтын медаль жеңіп алды. Шешуші жекпе-жекте иорданиялық Зеяд Ишаишті төрешілердің бірауыздан шығарған шешімімен 5:0 есебімен жеңді.
9 қарашада Сабырхан Азия және Азия Пара ойындарының өзге де жүлдегерлерімен бірге Ақордадағы қабылдауға қатысты. Спортшылармен Қазақстан Президенті Қасым-Жомарт Тоқаев кездесті.