Penalty.kz қосымшасыГол туралы бірінші біліңіз Ашу
Футбол
Бөлімдер

Асу Алмабаев UFC-дегі екінші сәтсіздігіне ұшырады

Асу Алмабаев Дохада өткен UFC Fight Night 294 турнирінде жапониялық Кёдзи Хоригутиге есе жіберді.

Асу Алмабаев UFC-дегі екінші сәтсіздігіне ұшырады
instagram/@asu_zulfikar57

Аса жеңіл салмақта өткен айқаста қарсыластар толық үш раунд жұдырықтасты. Кездесу қорытындысы бойынша төрешілердің барлығы Хоригутиді жеңімпаз деп таныды.

Сөйтіп Алмабаев UFC-дегі тоғызыншы жекпе-жегінде екінші рет жеңілді. Қазақстандықтың промоушендегі көрсеткіші енді жеті жеңіс пен екі жеңіліс болды. 

Жекпе-жек алдында Асу Алмабаев UFC-дің аса жеңіл салмақ дәрежесіндегі рейтингінде алтыншы орында еді. Ал Хоригути қазақстандық файтерден бір саты төмен, жетінші орында тұрған.

Бұл нәтиже жапониялықтың UFC-дегі оныншы жеңісі болды. Оның ұйымдағы есебінде екі жеңіліс те бар.

Кәсіби ММА-дегі жалпы статистикаға келсек, Алмабаев 24 жеңіс пен төрт жеңіліске ие. Ал Хоригути мансабындағы 37-жеңісіне жетті. 

Бұл туралы не ойлайсыз?