Санжар Тәшкенбай мен Сәкен Бибосынов Қарақозы Абдалиевті еске алуға арналған турнирдің финалдық жекпе-жектеріне қатыспайды.
Қазақстан бокс құрамасының мүшелері Санжар Тәшкенбай мен Сәкен Бибосынов Шымкентте өтіп жатқан Кеңес Одағының Батыры Қарақозы Абдалиевті еске алуға арналған халықаралық турнирдің финалдық жекпе-жектеріне қатыспайды.
ҚР Бокс федерациясының дәрігері Талғат Қуқановтың мәліметінше, спортшылар жарақатына байланысты шешуші кездесуден бас тартуға мәжбүр болған.
Еске сала кетейік, 2023 жылғы әлем чемпионы Санжар Тәшкенбай 48 келіге дейінгі салмақ дәрежесінің финалында Теміртас Жүсіповпен кездесуі керек еді. Ал 2021 жылғы әлем чемпионы Сәкен Бибосынов 54 келіге дейінгі салмақта Нұрсұлтан Алтынбекпен жұдырықтасатын болған.
