Шавкат Рахмоновтың UFC чемпионымен қашан жұдырықтасатыны белгілі болды

Аралас жекпе-жектен Қазақстанның үздік файтері Шавкат Рахмонов ағымдағы жылдың желтоқсан айында UFC-дің жартылай орта салмақ дәрежесінде америкалық Белал Мұхаммедпен чемпиондық титул үшін жекпе-жек өткізуі мүмкін. Бұл туралы «Вестник ММА» инстаграм парақшасы хабарлады. 

«Жартылай орта салмақта дәрежесі бойынша UFC чемпионы Белал Мұхаммед (P4P рейтингінде 5-ші орын | UFC 15-3-1NC) пен Шавкат Рахмоновтың (жартылай орта салмақта рейтингі № 3 I UFC 6-0) 8 желтоқсан күні UFC 310 турнирінде жекпе-жек өткізу ықтималдылығы өте жоғары», - деп жазды аталған парақша.  

Айта кетейік, Рахмонов өзінің соңғы жекпе-жегін өткен жылдың желтоқсанында өткізді. Ол екінші раундта американдық Стивен Томпсонды тұншықтыру әдісімен жеңді.