Ол Хабиб Нурмагомедов емес.
UFC жауынгері Хамзат Чимаев аралас жекпе-жек тарихындағы ең ұлы файтерді атады.
Хамзаттың пікірінше, ММА тарихындағы ең үздік жауынгер Джон Джонс. Бұл туралы ол The Schmo-ға берген сұхбатында айтты.
"Әрине, Джонс. Оған тең келетін басқа ешкім жоқ. Ол топ жауынгерлердің біразын жеңді. Нағыз монстрларды ұтты. Мен бір кездері Александр Густафссонмен бірге жаттығып жүрдім. Оның қаншалықты мықты екенін жақсы білемін. Соған қарамастан, Джонс оны мерзімінен бұрын жеңген. Жалпы, оның бойында бәрі бар: қарсыласты нокаутқа түсіре алатын күші, балуандығы өте керемет. Мінсіз деуге келеді", - деді Чимаев.
