Әлімханұлы мен Шираз жекпе-жегі бойынша әлі күнге дейін нақты келісім жоқ.
WBC титулының иегері Карлос Адамес пен WBO бойынша міндетті қарсылас Хамза Шираз Әлімханұлына қарсы шаршы алаңға шығуға қорқады. Кәсіпқой бокстан орта салмақтағы әлем чемпионы Жәнібек Әлімханұлы осылай дейді.
«Карлос маған келісімшарт жібермеді, ал Шираз болса үнсіз. Бұл нені білдіреді? Бұл менің… орта салмақтағыларға үрей тудыратынымды білдіреді», — деп жазды Жәнібек Х желісіндегі парақшасында.
Естеріңізге сала кетейін, қазақстандық былғары қолғап шебері мен британиялық боксшының өкілдері жекпе-жек өткізуге қатысты ортақ келісімге келісімге келе алмаған соң, WBO промоутерлік сауданы 18 қарашаға белгілеген болатын.
Ал Жәнібек пен Карлос Адамес әлеуметтік желіде өзара сөз таластырған еді. «Қазақ стилі» доминикандықты жекпе-жек келісімшартын жіберуге шақырған болатын.
