Токиода өткен Үлкен дулыға турнирінде қазақстандық дзюдошылар жүлдеге ілікпеді.
11 татами шеберінің арасында тек Максим Мейірлан қола жүлде үшін күресті. Бірақ жапондық Комеи Каватабаға есе жіберді. Отандасымыз іріктеу кезеңдерінде Оңтүстік Корея және Италия балуандарынан басым түскен. Ал жартылай финалға шығар сында ол тағы бір жапон спортшысына ұтылып қалды. Сонымен қатар 73 келіде Бақытжан Әбдірахманов екінші айналымға өте алды.
Жалпы Қазақстан дзюдошылары Париж Олимпиадасынан кейін Загреб Гран Приі мен Әбу Даби Гранд Слэміне қатысты. Бұған дейінгі сында дзюдошылар 2 алтын, 2 күміс, 2 қола медаль еншілеген.
