20 желтоқсанда елордада өтетін турнирде қазақстандық бірнеше жекпе-жек шебері өнер көрсетеді.
Кештің басты қонақтарының бірі қазақстандық боксшы Дәулет Дәукенов колумбиялық нокаутшы Марлон Агуаспен жұдырықтасады.
Отандасымыз Сапарбай Айдаров аргентиналық жекпе-жек шебері Эмилиано Пучетамен бақ сынайды.
Жекпе-жектің тағы бір шебері қазақстандық Дамир Ысмагұлов бразилиялық нокаут шебері Фелипе Майамен рингке шығады, деп жазады ҚазАқпарат.
"20 желтоқсанда тарихи сәтке куә боламыз, оны қайталау қиынға соғады. Біз алғашқы турнирдің идеалға жақын болғанын қалаймыз. Бұл мықты қарсыластардың жекпе-жегі. Кештің арнайы қонақтары Рой Джонс пен Василий Жиров. Турнирдің қорытындысы бойынша жиған тәжірибемізбен 2025 жылы одан әрі бағытымызды нақтылап, талдаймыз. Бұл аралас жекпе-жектің жетістіктерін көрсететін кәсіби бокс кеші болады. Әрине, бұл ойын-сауық шарасы, толыққанды әлеуметтік кеш. Спортшылар үшін ынта-жігер әрқашан екі нәрсемен байланысты — танымалдық және қаржы. Біз оларға екеуін де ұсынуға дайынбыз", — деді Fight Nights промоутерлік компаниясының президенті Камил Гаджиев.
Ұйымдастырушылардың айтуынша, жүлде қоры әр жекпе-жек үшін әр түрлі болады.
