Орта салмақта IBF және WBO чемпионы қазақстандық Жәнібек Әлімханұлы (16-0, 11 КО) Boxing News порталына берген сұхбатында жоғары салмаққа өту туралы сұраққа жауап берді.
"Менің мақсатым - барлық титулдарды біріктіру. Психологиялық тұрғыда бұл маған еш әсер етпейді. Менің уақытым әлі келеді. Барлық төрт титулды жинаймын Содан кейін келесі салмаққа өтемін, - деді Жәнібек.
Еске сала кетсек, орта дивизиондағы WBA белбеуі кубалық Эрисланди Ларада болса, ал WBC титулы доминиканалық Карлос Адаместе.
