Аса ауыр салмақтағы қазақстандық кәсіпқой боксшы Иван Дычко 27 желтоқсанда Алматыда өтетін кешке қатыспайды.
Дычко жарақаттанып қалды. Сол себепті ресейлік Виталий Кудуховқа (7-2, 3 КО) қарсы жекпе-жекке шыға алмайды. Осыған байланысты All Stars мәлімдеме жасады.
“Өкінішке қарай, спарринг кезінде Иван Дычко иығынан жарақат алды. Медициналық тексерістен кейін кәсіби бокс комиссиясы спортшыны алдағы жекпе-жекке жібермеу туралы шешім қабылдады. Біз Иванға тезірек сауығып кетуін тілейміз және барлық жанкүйерлерге түсіністік танытқаны үшін алғысымызды білдіреміз”, – делінген промоушеннің мәліметінде.
Жекпе-жектің қай уақытқа ауыстырылғаны беймәлім. Қазақстандық боксшы бұған дейін шаршы алаңға тамызда шығып, Плант-Ситиде (Флорида штаты, АҚШ) өткен айқаста американдық Крейг Льюисті (15-8-1, 8 КО) екінші раундта нокаутқа жіберген.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
